24.1 C
Lahore
فروری 18, 2020
Today News HD
پاکستان

سندھ اسمبلی سیکریٹریٹ میں سنگین انتظامی بے ضابطگیوں کا انکشاف

کراچی: سندھ اسمبلی سیکریٹریٹ میں سنگین انتظامی بے ضابطگیوں کا انکشاف ہوا ہے اسمبلی سیکریٹریٹ کی کئی قیمتی گاڑیاں غائب جبکہ 10 گاڑیاں پرائیویٹ نمبر پلیٹس پر رجسٹرڈ کیے جانے کا بھی انکشاف ہوا ہے۔

ایوان کی سولہ قائمہ کمیٹیاں موجود جبکہ قائمہ کمیٹیوں کے چیئرمینز کے نام پر 34گاڑیاں الاٹ کر دی گئیں، لاپتہ سرکاری گاڑیوں میں سے بیشتر کی ایف آئی آر مشکوک اور مبہم ہیں، تفصیلات کے مطابق سندھ اسمبلی سیکریٹریٹ میں مبینہ مالی بے ضابطگیوں کے بعد انتظامی خامیوں اور سرکاری وسائل کے بے دریغ استعمال کا انکشاف ہوا ہے۔

سرکاری دستاویز کے مطابق سندھ اسمبلی سیکریٹریٹ کی110گاڑیاں محکمہ ایکسائز میں رجسٹرڈ جبکہ 10گاڑیاں پرائیوٹ نمبرز پر رجسٹرڈ کرائی گئی ہیں جو قانون کے برخلاف ہے، اسمبلی سیکریٹریٹ کی34سرکاری گاڑیاں موجودہ و سابق ارکان سندھ اسمبلی کے زیر استعمال ہیں جو من پسند ارکان کو نوازی گئیں ہیں، سندھ اسمبلی میں تاحال صرف 16 قائمہ کمیٹیاں موجود ہیں اور قواعد کے تحت قائمہ کمیٹیوں کے چیئرمینز کو ہی سرکاری گاڑی کے استعمال کا استحقاق ہے، کئی سابق وموجود ہ ارکان سندھ اسمبلی نے تاحال سرکاری گاڑیاں سندھ اسمبلی سیکریٹریٹ کو واپس نہیں کی۔

دستاویز کے مطابق25گاڑیاں سندھ اسمبلی سیکریٹریٹ کے افسران کے زیر استعمال ہیں جبکہ 5گاڑیاں اسپیکر،ڈپٹی اسپیکراور اپوزیشن لیڈر کو الاٹ کی گئی ہیں، رپورٹ میں انکشاف کیا گیا ہے کہ سندھ اسمبلی سیکریٹریٹ کی 46گاڑیاں گمشدہ ہیں جو غیر قانونی طور پر استعمال کی جارہی ہیں۔

رپورٹ میں کہاگیا ہے کہ سندھ اسمبلی سیکریٹریٹ کی دس سے پندرہ گمشدہ گاڑیاں ایسی ہیں جن کی ایف آئی آر مبہم اور غلط ہیں، سندھ اسمبلی سیکریٹریٹ کے اسٹاف کو الاٹ کی گئی گاڑیوں میں بھی کئی افسران وملازمین کو خلاف ضابطہ گاڑیاں دی گئی ہیں جبکہ استحقاق رکھنے والے بعض افسران کے پاس سرکاری گاڑیاں نہیں ہیں، رپورٹ میں کہا گیا ہے کہ سندھ اسمبلی کے ٹرانسپورٹ افسر نے بتایا کہ ان کے پاس الاٹ کی گئی سرکاری گاڑیوں کی تفصیلی فہرست دستیاب نہیں۔

Related posts

خضدار میں ٹریکٹر ٹرالی کھائی میں گرنے سے 3 افراد جاں بحق

todaynews

شہباز شریف کا مڈ ٹرم الیکشن کا مطالبہ، پی اے سی سے مستعفی

todaynews

سیاسی انتقام کی خاطر کمرے سے اے سی اتارنا نواز شریف کی جان پر حملہ ہے، شہباز شریف

todaynews

Leave a Comment