24.1 C
Lahore
فروری 18, 2020
Today News HD
پاکستان

نیب کا ادارہ عدالتوں کو مانتا ہے نہ قانون کو، بلاول بھٹو زرداری

اسلام آباد: پیپلز پارٹی کے چیرمین بلاول بھٹو زرداری نے کہا ہے کہ نیب کا ادارہ نہ عدالتوں کو مانتا ہے اور نہ ہی پاکستان کے قانون کو۔

چیرمین پی پی پی بلاول بھٹو زرداری نے پارٹی کے رہنما اعجاز جکھرانی کے گھر پر نیب کے چھاپے کی مذمت کرتے ہوئے کہا ہے کہ نیب کا ادارہ نہ عدالتوں کو مانتا ہے اور نہ ہی پاکستان کے قانون کو، اعجاز جاکھرانی کے گھر پر چھاپے کی مذمت کرتا ہوں۔

یہ بھی پڑھیں: مشیر جیل خانہ جات سندھ اعجاز جاکھرانی کے گھر پر نیب کا چھاپہ

بلال بھٹو زرداری نے کہا کہ عمران خان کے ایما پر پی پی کارکنان اور عہدیداروں پر جھوٹے کیس بنانے کا سلسلہ ختم ہونا چاہئے، نیب کاروائیوں کے پیچھے حکومت کی انتقامی سیاست کا پورا پورا عمل دخل ہے۔

بلاول بھٹو زرداری کا کہنا تھا کہ دشمن کی بھی چادر اور چار دیواری کے تقدس کا خیال کیا جاتا ہے مگر نیب اپوزیشن دشمنی میں سب بھول گیا ہے، پی پی پی عہدیداروں اور کارکنان کو اس طرح کے ہتھکنڈوں سے ڈرایا نہیں جا سکتا، پارٹی کا ہر کارکن اعجاز جاکھرانی کے ساتھ کھڑا ہے۔

یہ پڑھیں: اعجازجاکھرانی کے بیٹے کا ساتھی طالب علم پرشدید تشدد

واضح رہے کہ گزشتہ روز نیب نے آمدن سے زائد اثاثوں کے کیس میں وزیر اعلیٰ سندھ کے مشیر جیل خانہ جات اعجاز جاکھرانی کے گھر پر چھاپہ مار کر اہم دستاویزات قبضے میں لی ہیں۔

Related posts

جرمنی میں پاکستانی پروفیشنلز کے لیے روزگار کے مواقع بڑھ گئے

todaynews

سندھ کے ایک لاکھ سرکاری اساتذہ سائنس اور ریاضی نہیں پڑھا سکتے، وزیر تعلیم

todaynews

ٹرانسپورٹرزکی ہڑتال؛ حکومت نے ٹریفک جرمانوں میں بھاری اضافہ روک دیا

todaynews

Leave a Comment